Nytt
Pris til Jorunn Veiteberg
Norsk Forms Hederspris 2010 er tildelt Jorunn Veiteberg. Prisen blir gitt til personar eller institusjonar som har "ytet en utmerket innsats innenfor Norsk Forms fagfelt". I grunngjevinga frå juryen heiter det:
Jorunn Veiteberg har gjennom sin mangeårige og varierte virksomhet vært særdeles viktig for fagområdene kunsthåndverk og design.
Hun har utmerket seg på ulike faglige felt når det gjelder forskning, dokumentasjon, kritikk, forfatterskap og organisasjonsarbeid. I tillegg også kuratorvirksomhet, undervisning, styre- og komitéverv i Norge og internasjonalt.
Juryen mener tiden er inne for å gi oppmerksomhet til en profesjonell kritiker og teoretiker som setter nivået på faglig diskurs og formidling. Teoretisering og kritikk er litterære genre og absolutte forutsetninger for nasjonalt faglig nivå og utvikling.
Frå prisutdelinga på DogA 2. september 2010. Foto: Tore Fjeld/Norsk Form
Publisert 5. september 2010
Museumsinnkjøp
Fondet til innkjøpt av samtidskunsthandverk har kjøpt verket Portrett av det anonyme av Kjell Rylander på utstillinga Tendenser på Galleri F15 i Moss. Det er Permanenten Vestlandske Kunstindustrumuseum som vil få verket i samlinga si.
Kjell Rylander: Portrett av det anonyme, 2010. Foto: Jorunn Veiteberg.
Publisert 5. september 2010
Gjesteforskar
Norges forskingsråd har løyvd midlar til at Ezra Shales (f. 1969) kan bli knytt fast til K-verdi som gjesteforskar. Han er utdanna både bildekunstnar og kunsthistorikar og underviser til dagleg på Alfred University, som er eit av dei viktigaste universiteta for utdanning av keramikarar i USA. Det er kunnskapane hans om industriproduksjon generelt og keramikkhistoria spesielt som gjer han til ein aktuell samarbeidspartnar for K-verdi. Etter planen vil han opphalda seg i Bergen 2-3 veker vår og haust i 2010 og 2011.
Publisert 24. juni 2010
Ezra Shales i Bergen juni 2010 som forelesar på seminaret Fartsfylt kunsthandverk. Foto: Jorunn Veiteberg.
Le Cru et le Cuit
eller omsett til norsk, Det rå og det kokte, er tittelen på ei utstilling av norsk keramikk som opnar 12. september 2010 på Galerie Favardin & De Verneuil i Paris samstundes som The International Academy of Ceramics arrangerer konferanse og generalforsamling. Tittelen er eit lån frå antropologen Claude Lévi-Strauss’ klassiske studie av mytar, og han tener som ein metafor for den keramiske prosessen: frå naturproduktet rå leire til kulturprodukt via bearbeiding og brenning. Utstillinga inneheld verk som tematiserer ulike stadier i denne prosessen frå rått til kokt, frå kaos til orden, frå formlaust til formfast. I 1993 blei den same tittelen brukt på ei utstilling med nye arbeid i leire i Storbritannia. Den markerte ei orientering bort frå det funksjonelle og nyttige til fordel for figurframstelling og ekspressive krukker; ein tendens som også har prega norsk keramikk sidan 1980-talet. Men dagens keramikk omfattar endå fleire rettar. Påverka av globaliseringa og i takt med at industriproduksjonen har blitt lagt ned i Europa, har teknikkar og materiale frå den keramiske industrien funne vegen inn i studio-keramikken. Allereie ’kokte’ gjenstandar tener såleis som råmateriale for mange, yngre keramikarar. I spennet mellom material, substans og meining er det difor meir opent enn nokon gong kva omgrepet keramikk kan romma. Utstillinga er Norske Kunsthåndverkere si store satsing i 2010, og ein viktig del av deira arbeid for å promovera norsk kunsthandverk utanlands. Utstillinga er open i perioden 12. - 25. september 2010. Initiativtakar er opphavleg Torbjørn Kvasbø, Jorunn Veiteberg er kurator og Heidi Bjørgan står for monteringa. K-verdi-stipendiatane Kjell Rylander og Caroline Slotte er begge representerte med nyare arbeid.
Publisert 17. juni 2010
Kjell Rylander på Tendenser
Den tradisjonsrike utstillinga Tendenser, ei mønstring av samtidskunsthandverk, har i år invitert kunstfagstipendiat Kjell Rylander med som deltakar. Det er Galleri F15 i Moss som sidan 1970-talet har stått bak utstillinga, som i seinare år har markert seg med eit "utvida" kunsthandverk-konsept. Kurator for årets Tendenser er kunsthistorikaren Knut Astrup Bull. Tendenser 2010 blir vist frå 21. august til 17. oktober.
Publisert 17. juni 2010
Slotte innkjøpt av UD
Utenriksdepartementet i Norge har kjøpt fem arbeid av Caroline Slotte til embetsbustaden til Torbjørn Jagland i Strasbourg. Jagland blei i fjor valt til generalsekretær for Europarådet for ein femårs periode.
Publisert 16. juni 2010
Velkommen til utstillinga Speed på Galleri Format i Bergen 3. juni - 8. august 2010!
”Dette er ikke en utstilling, men et møtepunkt, et diskusjonsfragment og en invitasjon til å reflektere over kunsthåndverket i dag.” Slik blir ”utstillinga” Speed introdusert til publikum. Frå 3. juni til 8. august er utstillinga å sjå på Galleri Format i Bergen. Utstillinga er produsert av Think Tank A European Initiative for the Applied Arts, der Jorunn Veiteberg er medlem. Ho har valt ut eit arbeid av Kjell Rylander og eit av Kari Skoe Fredriksen, som begge arbeider på Kunsthøgskolen i Bergen, til å inngå i ein diskusjon om fart og kunsthandverk. Les meir om utstillinga og Think Tank på www.thinktank04.eu.
Publisert 16. juni 2010
Slow eller Fast?
Farstfylt kunsthandverk er temaet for eit ope seminar som K-verdi arrangerer i samarbeid med Galleri Format på Vestlandske Kunstindustrimuseum torsdag 3. juni 2010. Målet å problematiser kunsthandverket sin identitet og funksjon og opna for nyeforståingsmåtar. Innleiarane kjem frå ei rekkje ulike land: USA, Spania, Tyskland, Nederland, Sverige og Norge. Programmet for seminaret, sjå her (pdf)>
27-28. mai 2010 gjestar Sabrina Gschwandtner Bergen
Sabrina Gschwandtner er kunstnar, skribent og kurator frå New York. Ho er ei av dei leiande figurane i den nye strikkebølgja, og produserte i fleire år bladet KnitKnit og er også forfattar av boka KnitKnit Profiles + Projects from Knitting's New Wave (2007). For oss i K-verdi er hennar interesse for aktivitetar i krysningspunktet mellom handverk og kunst og hennar feministiske perspektiv på kunsthandverk svært aktuelt. I Bergen vil Sabrina delta med 2 foredrag på seminaret Suversive Stiches på Salhus trikotasjefabrikk 28. mai: "Craft and Feminism", og ein sjølvpresentasjon med tittelen: "Film to video, color, sound". Seminaret blir arrangert i samarbeid med tekstilseksjonen på KHiB, sjå program (pdf)>
14.-17. mai 2010: Collect i London
Collect. The International Art Fair for Contemporary Objects på Saatchi Gallery i London, 14. -17. mai 2010 er den største messa i Europa for kunsthandverk. K-verdi stiller sterkt. Caroline Slotte vil visa nye arbeid gjennom Galleri Kunst1 medan Heidi Bjørgan er representert av Galleri Format. Jorunn Veiteberg deltar som medlem av ThinkTank i The Speed of Craft, ein hurtig presentasjon av Think Tanks siste publikasjon og utstilling fredag 14. mai kl. 18-19.30. Også denne finn stad i Saatchi Gallery sin herskaplege bygnad i Kensington. Ho vil også delta i seminaret Craft a European Question, arrangert av Crafts Council og World Craft Council si avdeling i Storbritannia, og leia av kunstnaren Clare Twomey, leiar av WCC UK.
Foto: Norwegiancrafts.no/André Gali.
Samarbeid med Konstfack
Under Nordplus-programmet, eit program for utveksling av studentar og lærarar i Norden og Baltikum finst nettverket KUNO som gir støtte til utveksling mellom kunstutdanningane. Jorunn Veiteberg drar 23.-29. april 2010 på KUNO-opphald til Konstfack i Stockholm. Målet er å styrka samarbeidet mellom K-verdi og Institutionen för keramik och glas under leiing av professor Zandra Ahl.
25. - 26. mars: Fremtidens museum
Anne Britt Ylvisåker har deltatt i seminaret om "fremtidens museum" som var initiert av Bergen Museum i samband med ombygginga deira. Eit par innlegg handla om bruk av ny teknologi på museum. Professor Edvard Hviding: "Stillehavssamlingen revitalisert gjennom forskning og utstilling - teknologi og tilgjengeliggjøring av utilgjengelig kunnskap". Dette var eit pilotprosjekt knytta til digital repatriering av ein båt frå Salmonøyane som står vekkgøymt og utilgjengeleg på British Museum. Det andre var seksjonssjef Kari Kristoffersen i samtale med Frode Storaas: "Film og digital formidling - forsterker eller forringer det museumsformidlingen".
Sakral kunst
”Helheten blir nästan sakral,” skriv Lotta Jonson i DN 18. mars 2010 om Kjell Rylanders utstilling på Eskilstuna Konstmuseum, og ho legg til: ”Gränserna mellan högt och lågt suddas ut och det vardagliga, slitna porslinet når en ny dimension. Konst, konsthantverk, konceptdesign? Allt på en gång. En meditation över det materiella, med en glidande värdeskala.”
Foto: Håkan Lidman
Hausten 2011: K-verdi engasjerer kurator
Hausten 2011 blir det internasjonal utstilling på PermanentenVestlandske Kunstindustrimuseum. Utstillinga vil ta utgangspunkt i forskingsresultata frå K-verdi. Heidi Bjørgan er engasjert som kurator. Ho er sjølv utdanna keramikar frå Kunsthøgskolen i Bergen og avsluttar våren 2010 kuratorutdanninga same stad. Ho vil for mange vera kjent som ein av fire medlem i kunstnar- og kuratorgruppa Temp.
Heidi Bjørgan: Gul hare, 2007. Tilhøyrer Nordenfjeldske Kunstindustrimuseum
Virtuell samling
K-verdi har innleia eit samarbeid med Fredrik Sundt Breien frå TurboTapeGames om å utvikle eit konsept til korleis ein virtuelt innsamla museumsgjenstand kan fungere. Les meir om www.turbotapegames.com.
Diverse glassert keramikk frå Jordansk Mameluk periode, ca. 1400 e.Kr. (virtuelle) saman med moderne espressokopp (fysisk). Skisser utlånt frå UiB Institutt for Arkeologi. Teknologi frå NITH HCI lab. Presentert 2006 Calit2-UCSD World Heritage Center av Fredrik Sundt Breien.
Nordisk kulturfond
Jorunn Veiteberg, leiar for K-verdi-prosjektet, er utnemnd som sakkyndig for fagområdet design og kunsthandverk i Nordisk kulturfond for toårsperioden 2010-2012. Les meir om fondet på www.nordiskkulturfond.org.
Museumsinnkjøp 1
Fondet til innkjøp av samtidskunsthandverk kjøpte to arbeid av stipendiat Caroline Slotte på Opplandsutstillinga 2009. Dei vil bli tilført Kunstmuseene i Bergen, avdeling Vestlandske Kunstindustrimuseum.
Caroline Slotte: Under Blue Skies 1, 2008
Museumsinnkjøp 2
På utstillinga Ånden og materien på Trøndelag senter for samtidskunst blei stipendiat Kjell Rylander innkjøpt til både Nordenfjeldske Kunstindustrimuseum og Vestlandske Kunstindustrimuseum av Fondet til innkjøp av samtidskunsthandverk.
Kjell Rylander: Uten tittel, 2009. Papp og porselen
20. november 2009: Utstilling
20. november 2009 åpner Trøndelag senter for samtidskunst en utstilling med Torbjørn Kvasbø og et utvalg av hans tidligere studenter fra Kvasbøs tid som professor på Konstfack i Stockholm: Torbjørn Kvasbø, Emma Kronvall, Moa Lönn og kunststipendiat Kjell Rylander ved Kunsthøgskolen i Bergen. Utstillingen har tittelen Ånden og materien - tendenser og utvikling i kontemporær keramisk kunst og står i perioden 20. november – 20. desember 2009.
Kjell Rylander stiller hverdagsobjektene i fokus. Kunstneren sier selv om sitt arbeid at han er opptatt av konstruksjoner og rekonstruksjoner rundt eksistensiell problematikk. Dette vises gjennom at han tar gjenkjennelige og tradisjonelle bruksgjenstander og lager dem om til skulpturelle objekter og installasjoner. Dermed skapes nye ting som blir bærere av nye meninger og sammenhenger.